Staðsetning

Mótssvæðið er við suðurenda Svínavatns og er styðst fyrir þá sem koma að norðan að fara yfir Svartárbrú skammt norðan við Húnaver, síðan yfir Blöndubrú og þá blasir svæðið við eftir c.a. 8 km.

Þeir sem koma að sunnan geta farið Reykjabraut sem er þegar búið er að fara fram hjá Stóru Giljá, þá er komið að norður enda Svínavatns, þá þarf að keyra c.a. 15 km. Þar til komið er að suður endanum.

Einnig er hægt að fara á Blönduós og aka Svínvetningabraut c.a. 25 km. Þá er komið á svæðið.

Breyting á fyrirkomulagi

 

  

Meiningin var að geta hér um helstu stórstjörnur sem mæta, en mun fljótlegra væri að geta þeirra sem ekki koma.

 Ljóst er að fjöldi skráninga er langt umfram það sem ráð var fyrir gert. Þess vegna hefur verið ákveðið að hefja mótið stundvíslega kl. 9.30. og hafa fjóra í holli í stað þriggja. Krafist fullkominnar stundvísi og engar undantekningar leyfðar. Þetta fyrirkomulag var valið í stað þess að vísa þeim frá sem síðastir voru að skrá, sem við þó vorum búnir að áskilja okkur rétt til að gera. Vonum við að keppendur og gestir sýni þessum ráðstöfunum skilning.

Byrjað verður á B-flokk síðan A-flokkur og endað á tölti.

 Ráslistarnir fara alveg að detta inn.

Veðurspáin er sú sama vægt frost og lítill vindur.

Veitingar og fleira

Veitingar verða seldar á svæðinu s.s. heitir drykkir, heitar samlokur, pylsur, pönnukökur, kleinur, gos og sælgæti. Ekki verður hægt að nota kort þannig að fólk þarf að hafa meðferðis einhverja aura. Eigi einhver eftir að greiða skráningagjöld þarf að gera það í síðasta lagi við vallarenda. Skrá verður til sölu á 1.000. kr. Salernisaðstaða verður á staðnum og einnig í Dalsmynni við Auðkúlurétt. Dagskránni verður útvarpað á svæðinu á FM 103,7 

 Í tilefni af Ís-Landsmóti á Svínavatni laugardaginn 7. mars

Bjóðum við upp á þriggja rétta kvöldmáltíð.

Forréttur 

Humarsúpa með rómatopp og hvítlauksbrauði.

Aðalréttur

Kalkúnabringa með fondante kartöflu, gljáðu grænmeti og rauðvínssósu.

Eftirréttur

Mangoís með ferskum ávöxtum.

3.890 kr.

Eftir borðhald spila Haldpokarnir fram eftir nóttu.

Frítt inn

Pizzutilboð alla daga

12" pizza með tveimur áleggstegundum og 1/2 líter kók.

1.290 kr.

Borðapantanir í síma 453 5060

Potturinn og Pannan Blönduósi

Stórstjörnur á ÍS-Landsmóti á Svínavatni 7. mars.

 

 

Nú styttist óðum í stærsta ísmót ársins þar sem margir af bestu knöpum og hestum landsins mæta, Hans Kjerúlf mun mæta með Sigur frá Hólabaki sem sigraði Bautamótið nú á dögunum, Jakop Sigurðsson mætir með Kaspar frá Kommu en hann sigraði B flokkinn í fyrra á Svínavatni. Tryggvi Björnsson mætir með Akk frá Brautarholti sem varð í 3. sæti  B-fl. á LM 2008.

 Á næstu dögum munum við senda frá okkur nöfn á hestum og mönnum sem mæta, listinn er langur og það stefnir í hörku keppni á Svínavatni um næstu helgi. Veðurspáin er góð, ísinn magnaður og mikil stemming í gangi.

 Skráningar berist á netfangið [e-mail]) í síðasta lagi þriðjudaginn 3. mars. Eftirtalið þarf að koma fram: Keppnisgrein, nafn knapa,  nafn, uppruni og litur hests. Keppnisgreinar eru A-flokkur, B-flokkur og tölt. Skráningargjald eru 3.000. kr. á grein. Greiðist inn á reikning 0307 - 13 - 110496, kt. 480269-7139 um leið og skráð er.

Á Pottinum og Pönnunni á Blönduósi verður boðið upp á mat og drykk og kráastemmingu bæði föstudags og laugardagskvöld.

Gisting í tengslum við Ís-Landsmót.   Nokkur pláss fyrir menn og hesta eru enn laus hjá:

Ferðaþjónustunni Hofi í Vatnsdal, sími 452 4077 eða 844 8649, netfang [e-mail]

Hnjúkahlíð  sími 8619816  netfang [e-mail]

Hæll sími 8989402 netfang [e-mail]

Stekkjardalur sími 4527171 netfang [e-mail]